:اليوم الاول: الذهاب للجامعة
طشششش يحرء يلعن يفضح
يا سلام هاد المكرو بدو ينزل العالم هون ..
ليش رح يئدروا ينزلو..هه هون بدها تبلش المعركة العجيبة بأى بين فريئ الطالعين وفريئ النازلين . والله يعين صاحب المكرويعني اذا بيطع بأقل الخسائر بيطلع بكرسي مشروط
اه اي اوتش اخ ركبت وأخيراً بعد جهد جهيد
مين ما دفع... فراطة شباب فراطة))) . بلش الشوفير تسميع حكي والله هلاء طلعنا )))
الشوفير: شو ما في فراطة
الشاب السوري: ليش شو عاطيك انا والله 25 مو أكتر
الشوفير : حبيبي عطيني خمسة فراطة (طبعاً مع لئمة
الشاب السوري بئلبو : الظاهر متخانئ مع المرة
حبيب بيلتئى معك صرافة هالـ 25 .. لا والله يا صاحبي .
تعا لك خالتي انا معي هات هالـ 25 ....ما شالله هالنسوان شو بيجمعوا فراطة, لكان من كتر النسل من جيب هالرجال ..
.. سيدي المهم تنصرف ونوصل على خير ..
ليك شو مكتوب عالكرسي فوزي + فوزية = حب للابد...اي شو هالتطور والمظهر الراقي .
شو عجئة هالسيارات اللي مو طبيعية . من وين العالم عم تجيب حئ هالسيارات الله يطعمنا متل ما طعمون
نزلنا عاليمين زكات شواربك ....شارد العينتين ومو سمعان عاليمين الله يخليك .. ركاب المكرو بصوت واحد نزلو عاليمين
ما بئدر في شرطي (حجة مو أكتر) .. نظامي جداً وملتزم ..بئيان دئيئتين لتبلش المحاضرة وهو شحط فيك شي 500 متر .. يعني أحسن شغلة بتعملها تأطع للطرف التاني وترد تاخد مكرو راجع
يا أما اذا سيارتك اديداس شغل المحرك وركود ..
سؤال يطرح نفسه على الشاب السوري يعني انت ما تكون متل هدول الشباب والصبايا اللي جايين بكير وعم يمشو على مهلون ومزبطين وئتون ؟!! . أكيد العطل منك...والله بيجوز .. المهم هلأ روح لحئ المحاضرة وبعدين منحكي
العمى القاعة مسكرة اكيد فات الدكتور..صباح الخير دكتور.. ما عبرك .
ممكن فوت؟.. بيطّلع فيك وكأنك حشرة وبيئول الوزير صار بمكتبو ... روح رجاع من محل ما أجيت ... على بطن امي دكتور؟ مع جدبة ..,عم تتمألس كمان انئلع
العمى شو أني دب حدا بيحكي هيك مع دكتور الجامعة .. خلص حملنا المادة (ضروري تشلأو كنت فوت من دون ما ينتبه ) آل من دون ما ينتبه وأت بدو ينبته بينتبهة واذا ما انتبه الشباب الطيبة موجودين في كل مكان وتحت الخدمة.
خروج من القاعة وجر ذيول الخيبة والعار .. لك يي هي هدول الشباب والصبايا اللي كانوا عم يمشو على مهلون وجايين عالوأت غريب ليش مو فايتيين عالمحاضرة
كل واحد آعد مع وحدة وعم يضحكوا ومبسوطين .اها هلأ عرفت ليش فايئيين بكير .. لأنون شايفيين أحلام سعيدة . مو متلي شايف الدكتور بمنامي.... لك آآخ
:ملخص درس الحياة لهذا اليوم
اذا متعود تحط غفوة للمنبه عيرو أبكر نص ساعة -
مو ضروري تبوي البوط لأنو أول ما رح تطلع من باب البيت رح يرجع سيرته الاولى ئبل البويا -
لا تعصب وتسب للتأكد من الشخص اللي بدك تسبو انو بيستاهل -
ربوط الشواطة منيح مشان مدافشة الركاب -
حميل فراطة بالجيبة لتحاشي المشاكل -
لا تكبر راس مع دكتور بالجامعة اذا ناوي تتخرج -
حاول تلائي شي حلو محفز الك للفيئة بكير متل الشباب الطيبة -
------------------------------------------------
يتبع في اليوم التالي .....